Ял библиотекинче ĕçлекенсем Н.П.Бундинапа З.Л.Изоркина та, шкул библиотекинче вăй хуракан В.А.Корчева та ентеш çыравçăсен кĕнеке куравне йĕркеленĕ. Кунта Етĕрне районĕнчи çыравçăсен кĕнекисем библиотекăри сентресем çине вырнаçрĕç. Л.Агаковăн, М.Беловăн, Н.Мартыновăн, Г.Зотовăн, А.Афанасьевăн тата ыттисен те. Ачасем ытларах Кăкшăм тăрăхĕнчи литература ĕçченĕсемпе интересленчĕç. Кĕçĕн классене уйрăмах Г.Зотовăн юмахĕсем килĕшрĕç. Вĕсем библиотекăпа тачăрах çыхăну тытаççĕ. Аслăрах классенче вĕренекенсем Л.Агаковăн произведенийĕсепе паллашрĕç. Çуткассинчи литература кружокĕ 1930 çулсенче алăпа çырса кăларнă кĕнеке уйрăмах пуриншĕн те кăсăклă пулчĕ. Ку куравра шкулти пур ача та пулче (61 ача).