5-мĕшпе 9-мĕш классенче вĕренекенсен «Чăваш ачи сассуна пар» сăвăçсен конкурсĕ иртрĕ. Кунта 23 ача хутшăнчĕ. Вĕсем хăйсене килĕшнĕ темăсем суйласа илнĕ: чăваш чĕлхи, Тăван çĕр-шыв, юлташ, çуркунне, кайăксем çинчен. Сăввисем сулмаклăн та, çĕпĕççĕн те, хаваслăн та, пусăрăнчăк кăмăллăн та янăрарĕç. Итлекенсене пурин сăвви те килĕшрĕ, çавăнпа та жюри членĕсене чи лайăххине уйăрса илме çăмăлах пулмарĕ. Жюри Тимофеева Марина - 1 вырăн йышăннине палăртрĕ. II вырăна Таня Родионовăпа Алена Ефимова пайларĕç. III вырăна вара Платонова Настя, Ананьева Ксения, Николаева Екатерина тухрĕç.